Khasi Hymn

NGA THRANG IA ME JISU
• KO BLEI BARIEH 178[121]
• TO WAN, JISU BAIEID 180[125]
• NGA THRANG IA ME JISU 188[133]
• KO SAKRAMENT, KO BLEI JINGIEID 191[136]
• HA KA MIET KHAWAI BAKHRAW 192[137]
• NGA KYNTIEW KA SUR JONG NGA 195[140]
• NGA LONG U KPU JINGIM 197[142]
• NGI IEID ЇA ME, NGI MANE ЇA ME, TRAI 203[149]
• PAIDBAH BYLLIEN KI BUD Ї’U TRAI 206[152]
• LA BSA DA KI KPU BAPHYLLA 208 [154]

MAWJAM NIAM

• AI ЇA NGA U TRAI 503[399]
• A JISU KHRAWSPAH JINGIS’NEI 56[39]
• MYNSIEM JONG U KHRIST 221[304]

KO BLEI BARIEH 178[121] List

1. Ko Blei barieh, ïa Me nga dem ainguh,
Ba rieh shisha ‘poh dur ka waiñ u kpu;
Khohsiew nga dem, dohnuh bad jingsngewthuh,
Katba la pynmatlah ïa ki tipthuh.
2. Ki khmat, ki kti, jingmad, ki shah shukor;
Hangne ngam lah shaniah lait tang ki shkor;
Kaba nga la ïohsngew, nga ngeit nga phla:
“To shim to bam, kane ka Met jong Nga.”
3. Halor diengphna la kah sa tang ï’u Blei:
Halor duwan ï’u Briew ruh phin wad ei;
Hynrei nga ngeit ba ïadon lang shisha
Bad jingling-blei bad jingling-briew pura.
4. Kumba ïohi Thomas, ngam i jingmong;
Hynrei nga phla b’u Trai u Blei Me long;
Nga ngeit, ko Trai, pynroi ïa ka jingngeit,
Pynskhem ka jingkyrmen, jingieid pynbeit.
5. Ko jingkynmaw ïa ka jingïap u Trai,
Ko Kpu ba-im ba ai jingim kyrhai,
To ai ha Me ngan don, ngan khih, ngan im,
Ju mad jingbang jong Me, jynbam jingim.
6. Wat la nga tngit rynïeng khlem dur khlem nam.
Me pynkhuid phar, ko Trai, da la ka snam;
Kaba shi jaw ka lah pyndam marwei
Ka jingpynrem baroh ka pop pyrthei.
7. Jisu barieh, ba ngam la hi mynta,
Jisu, to ai kaba nga thrang katta:
Ba, khlem jingkah, ïa Me ngan peit markhmat,
Bad ha jingshai junom ngan kmen ryngkat. Amen

TO WAN, JISU BAIEID 180[125] List

1. To wan, Jisu ba-ieid,
Ha ki dohnud jong ngi;
Ngi kwah hir-hir ïa Me
Ban wan synshar marwei.
To wan, to rah ha ngi
Ki jingaiei jong Me;
To ai ka jingaiei
Ban ieid shitrhem ïa Me.
2. Jisu jong ngi sisien
Me shong ha ka pyrthei;
Bad Me la ong bunsien:
“Їa ki khynngah barit
To shah kin wan sha Nga.”
Ngi ngeit kata ka ktien,
Sha Me ngi wan, ko Trai,
Jingieid bym lah ban lip.
3. Ha khmih mynta Jisu,
La ki dohnuh ngi ai;
To piam, to kdup ïa ngai,
Ha ki thapniang jong Me.
Ha la ka sngi to ai,
Mynsiem sha Me kin phai,
Ban ieid kylliang ïa Me,
Ban pdiang bad ïaimane.
4. Ale, to wat slem shuh,
Pynkloi ban hiar sha ngi;
La khreh ïa ki dohnud
Ba dap ba shlei jingieid,
To wan pynlong ïa ngi
Bad Me tang sitylli;
To ri ïa ka mynsiem
Shaduh ki bymjukut.

NGA THRANG IA ME JISU 188[133] List

1. Nga thrang ia Me Jisu,
Nga thrang u Lok kum Me;
Ban dup pyntngen ban dup sngewlem,
U lok ba-ieid ia nga.
2. Nga thrang Dohnud jong Me,
Ia nga ban ai jingshlur;
Siaw siaw hangar ba ngan pasiaw,
Ki jingkhuslai pangnud.
3. Nga thrang ka Snam jong Me,
Band sait jingtngit babun;
Ban phler mynsiem bapli jong nga,
Kum ksiar nylla b’la phrang.
4. Nga thrang Jingmong jong Me,.
Ban da na jingmynsaw;
Ban dup ia nga hapoh synrang,
Ban lait jingtieng, jingma.
5. Nga thrang ia Me, Jisu,
Ko Sakrament jingieid;
Ban bsa mynsiem batlot jong nga.
Da Met, da Snam kordor.
6. Ngan thrang ia Me, Jisu,
Haba jingiap ka jan;
Ban piam ia nga ha la shadem,
Haban da poi sha bneng.

KO SAKRAMENT, KO BLEI JINGIEID 191[136] List

1. Ko Sakrament, ko Blei jingieid,
Ko umpohliew jingim,
Ngi ngeit Me don bad ngi mynta,
Hangne halor duwan;
Ko Sakrament jingieid!
2. Ngi ieid ia Me, ko Trai Jisu,
Ko Kpu ba hiar na bneng;
Ko Blei ba rieh ha dur u kpu,
Hangne halor duwan;
Ko Sakrament jingieid!
3. Ngi skhem ha Me bad ngi shaniah,
Ko Kpu jong ki Angel;
Ha Me dohnud ngi la aiti,
Hangne halor duwan;
Ko Sakrament jingieid!
4. Shano, ko Trai, shano ngin leit?
Me don ki ktien jingim;
Ngi ngeit bad ngi tip skhem Me long
U Khrist, u Khun u Blei;
Ko Sakrament jingieid!
5. Kyrkhu ia ngi, ko Kpu ba-im;
To bsa mynsiem bapli bathngan,
Da Met da Snam jong Me;
Ko Sakrament jingieid!

HA KA MIET KHAWAI BAKHRAW 192[137] List

1. Ha ka miet khawai bakhraw,
Ban dup bsa mynsiem sngew blaw;
U Jisu la Doh la Snam
U aiti ha ngi ban bam. (2)
KHO: Ngi mane ia Me Jisu
Ha ka dur ka Waiñ u Kpu;
Ngi mane ia Me Jisu,
Ko Kpu bneng ki jingkyrkhu.
2. “Kpu ba ai ma Nga u long
Doh jong Nga,” Jisu U ong;
Jar ba bam Ї’une u Kpu,
Im junom bad u Jisu. (2)
3. Trai Jisu, ngi ngeit tylli
Ha duwan Me sah miet sngi;
Me shong rieh ha dur u Kpu
Ban pyntngen bad ban Kyrkhu. (2)

NGA KYNTIEW KA SUR JONG NGA 195[140] List

1. Nga kyntiew ka sur jong nga
Ban burom ï’u Nongpynim;
Rwai pynbna ka jingmaïa
Jong ka Met u Syiem jingim;
Jong I’u paid ban siew ka ram,
Theh u Syiem ïa la ka Snam.
2. Wan na bneng u Blei n’u Kpa,
Kha na Theisotti u briew,
Ha pyrthei U im U sah
Ban hikai ïa ki bynriew;
Ban pynwai jingim phyla,
La ka Met U ai sngewbha.
3. Ha ka miet khawai khatduh
U shongbam bad ki para;
Ynda bam jingkñia ainguh,
Ka rukom ha niam Paskha,
U sa shim, U kdiah, U sam
Їa lade kum ka jynbam.
4. Ktien u Blei b’la wan longdoh,
Da ka ktien jingblei ï’u kpu
U kylla sha la ka Doh,
Bad ka waiñ sha Snam jong U.
Jingkylla ngim lah tipshuh;
Tang jingngeit lah ban sngewthuh.

NGA LONG U KPU JINGIM 197[142] List

1. Nga long u Kpu jingim
Jar ba wan sha nga unym thngan;
Jar uba ngeit ha nga un ym sliang.
Ym don uba lah wan sha Nga
Lymda u Kpa u khring ïa u.
KHO: Ngan pynmih pat ïa u, Ngan pynmih pat ïa u,
Ngan pynmih pat ïa u ha ka sngi khatduh!
2. U kpu uba Ngan ai
U long shisha ka doh jong Nga
Jar uba bam ï’u Kpu
Un im junom la junom,
Un im junom la junom!
3. Lymda phi bam ïa ka Doh
Jong u Khun u briew phin ym im,
Lymda phi dih ka snam jong U,
Phim lah ban ïoh jingim,
Phim lah ban ïoh jingim.
4. Ka doh jong Nga dei dei shisha
Ka jynbam kaba ïapynim;
Ka snam jong nga ka long shisha
Jyndih kaba ïaipynkhlaiñ,
Uta ba dih ïa Ka yn im.
5. Kumba u Kpa Uba im
U la phah ïa Nga sha pyrthei,
Bad Nga, Ng aim da U junom,
Kumba uba bam ïa Nga,
Yn im junom lem bad Nga.
6. Nga long ka jingmihpat,
Nga long Jingim baïaineh
Jar uba ngeit ha Nga, ngeit ha Nga
Un im wat la u la ïap,
Un im wat la u la ïap.
7. Hooid, ko Trai, nga ngeit
Ba Me dei u khrist Khun u Blei,
Uba la wan sha ka pyrthei
Ban ai jingim ïa ngi,
Ban ai jingim ïa ngi.

NGI IEID ЇA ME, NGI MANE ЇA ME, TRAI 203[149] List

1. Ngi ieid ïa Me, ngi mane ïa Me, Trai,
‘Ko Blei jong nga, Nongpynim u jing nga.’
Me wan longbriew, Me siewspah pop jong ngi:
Namar jong ngi Me wan hiar sha duwan.
ANTRA: Ngi ïai sngewsnguh, ngi mane ïa Me Trai,
Ba ieh ka bneng ban wan shongsah bad ngi.
2. Me dei ka sngi, ka jingrhem, ka jingshai,
Me de, ko Tai, ka jingim ka hong nga.
Їalam dohnuh, mon pynskhem ka jong nga;
Lynti jong nga wan pynshai, Sngi jong nga.
3. Me dei ka lieng ka jutang bathymmai,
Me dei, ko Trai, jingpynim ka jong nga.
Dap jingaiei, dap jingmap ieid-synei,
Me wan pynim jaitbynriew na jingshlei.
4. Me dei jingkieng pynïasoh bneng pyrthei,
Tang Me marwei jingkyrmen ka jong nga.
Ksiang, nongpynksan, nongïasaid ka pyrthei,
Me pynïasuk ï’u bynriew bad u Blei.
5. Naduh basdang-khlem jingsdang – Me long Blei,
Ko Khrisst, Khun Blei bamarwei jong u Kpa.
Jisu, Їing blei, Їing shongneh jong u Kpa.
Bad la u Kpa lem bad ngi Me wan sah!

PAIDBAH BYLLIEN KI BUD Ї’U TRAI 206[152] List

1. Paidbah byllien ki bud ï’u Trai
Ba bsa ki hajar ngut:
Sha shiliang duriaw ki wan
Pan kpu bad pan jingmut.
ANTRA: “Trai, shano ngin leit?
Me ME don ktien jingim!
Bad ngi ngeit Me long
Khrist, u khun u Blei.?
2. “Ymdei Moses – U ong u Trai-
Ba ai jingbsa na neng.
Dei u Kpa jong Nga ba ai
Ї’u Kpu shisha na bneng.”
3. “Nga long u Kpu jong ka jingim
Uba wan hiar na bneng.
Jar ba bam d’une u Kpu,
Uta, un im junom.”
4. “Te jar ba wan sha Nga
un ym thgan ja un ym thngan kpu;
Jar ba ngei ha Nga
Shisha shisha yn ym skiing shuh.”
5. “Ka doh jong Nga ka long jynbam,
Ka snam jyndih shisha.
Jar ba bam ba dih
U sah ha Nga, Nga pat hga u.”
6. “Ym kum ki kpa jong phi
Ba bam manna, bad ki la ïap,
Jar ba bam ï’une u Kpu,
Uta, un im junom.”
7. Namar bun ki synran ki khñium,
Ki la kylla den noh,
Ong Jisu ki Khat-ar;
“Phi ruh phi kwah leit noh?”

LA BSA DA KI KPU BAPHYLLA 208 [154] List

1. La bsa da ki kpu baphylla
Ki san hajar ngut da kam khraw;
Synran ba lyngoh ki kiewleing,
Ki king sha shiliang ka duriaw.
Haba la premmiet ha sla um
U Trai U wan ïaid sha ka lieng;
Naba ki peit dngong, kid a kyïuh,
U ong: “Dei ma Nga, wat sheptieng.”
2. Kata dei ka por bad ka lieng,
Ka rud ka duriaw ba u jied,
Ban ai ka kular h’u paidbah
Ї’u Kpu bad jingkñia ka jingieid.
“Nga long hi u kpu ka jingim.
Uta uba bam ia ka doh
Ba dih ïa ka snam ka jong Nga,
Jingim bymjukut keiñ un ïoh.”
3. “Manna ki la bam ha ri khlaw
Ki ‘pamen jong phi, bad ki ïap.
U kpu ba Ngan ai dei na bneng:
Uta uba bam, un ym ïap.”
Don bun ba kren khñium, te U ong:
“Ka doh ka jong Nga long jynbam,
Ka snam long jyndih bashisha.
Kwah im? Te to wan bad to bam.”
4. Ha miet jingkhawai shuwa ban ïap
U buh ka jingkñia banyngkong:
Ї’u kpu sha la met U kylla,
Ka waiñ sha la snam U pynlong.
“To leh ïa kane ban kynmaw
Jingïap ka jong Nga,” U la ong;
Synran U la thung ki Lyngdoh
Ban bteng ka jingkñia banyngkong.
5. Ka bor ba U ai ka la neh,
Mynta bad ‘duh wai ka pyrthei:
Na bneng U wan hiar sha duwan,
Shu kren ïa ki ktien pynlong-Blei.
Ngi ngeit, ngi ïadem bad mane:
Me hiar kum u briew bad u Blei.
Jingngeit ka batlot to pynskhem;
Ko Trai, jingduna sngewsynei.

---

AI ЇA NGA U TRAI 503[399] List

1. Ai ïa nga u Trai
Їa la ki bor na bneng:
Sngi phyrnai,
Bnai bashai,
Ding basyaid ‘rud dpei;
Jingthaba leilieh
Bad ka jingstet ka lyer,
Bor ka wah,
Sur ka kshaid,
Bad jingskhem pyrthei.
Dei u Trai u nongïalam babha:
U pynstad,
U pynshai,
U shanbor ïa nga.

2. Ka lynti u Trai Dei ka lynti jong nga:
Mon ma U,
Mon ma nga,
Toi, ngi ïamon lang.
Ka jingieid u Trai
Ka jingiid u Tai
Ka ker sawdong ïa nga,
Kum ka stieh
Ba ïada
Na ka pop ka sang.
Dei u Lok ba ïeng ha liang jong nga,
Ba ju peit,
Ba ju ngeit-
Lok bal ah shaniah.

3. Khmat baïai phira,
Shyntur baïai pasiaw;
U ju kren U ju sneng,
U ju sngap ïa nga.
Te naduh dang khie,
Hap rah la jingainguh;
Sha u lok, sha u syiem,
Ka dohnud jong nga.
Hap ainguh ï’u Trai u Blei Laiwei,
Lai person, wei jingling;
Triniti jingblei.

A JISU KHRAWSPAH JINGIS’NEI 56[39] List

1. A Jisu khraw-spah jingisnei,
Phai ki khmat jong Me sha nga;
Shah, ko Pa, ïa Me ngan khot Kpa,
Nga u khun jot b’la sakma.

KHO: Te mynta sha Me nga wan phai,
Map, Jisu, a wat kyntait!
Ha syrngiew diengphna ai ngan rieh,
Pop jong nga, a Trai, to sait.

2. Da ki pop nga nga dawa rem,
Jingjynjar bad ka jingïap;
Ding dujok sngewtriem bad shyrkhei,
Khlem lait shuh junom junom.

3. Da ki pop nga nga kyntait beiñ
Spah kordor jingieid jong Me;
Nga la sahnarphna pynban, Trai,
Nga kylla u bymsngewnguh.

4. Peit ï’u Nongsiewspah, U shah ïap
Ha diengphna, ha Kalbari;
U pisa, U sngewkordit jur,
U phlei snam namar jong nga.

MYNSIEM JONG U KHRIST 221[304] List

1. Mynsiem jong u Khrist, to pynkhuid phar ïa nga;
Met u Khrist, to pynim ïa nga;
Um ba tuid na ka krung u Khrist, to sait ïa nga;
Snam u Khristm, tyndep ïa nga;
Ko jingshah lehbeiñ, to pynkhlaiñ shuh ïa nga;
Khrist babha, to shah-skhorïa nga.

2. Hapoh ki jingmong jong Me, Trai, ai ngan rieh;
A wat shah ngan khlad noh na Me;
N’u nongshun, u bymman kulong, to da ïa nga;
Ha tmier ïap to khot ïa nga,
Ba ngan wan sha Me, lem ki Riewkhuid jong Me,
Ban ïaroh tang ïa Me junom.

3. Hakhmih, ko Jisu u babha, bathiang tam,
Nga dem nguh ngon hakhmat jong Me;
Da jingthrang bashitrhem jong ka mynsiem jong nga,
Nga ïai duwai kyrpad ïa Me:
Ba Men shon jingsngew, ha dohnuh pjah jong nga,
Ka jingngeit, jingkyrmen, jingieid.

4. To shon jingkhuslai bashisha ïa ka pop,
Bad ka mon skhem ban leh bha noh;
Katba nga ïai puson jingmong kordor jong Me,
B’la ïathuh lypa Dabid:
“Ki la sam ki kti bad ki kjat ki jong Nga,
Ki la ñiew shyieng jong Nga baroh.”